Momentuen zalea naiz, idatziz, pertsonala ez dena gure bihurtzearen maitale, kanpokoa dena norberaren unibertsoan txertatu eta gozatzeko aukera horren gatibu. Beti pentsatu izan dut idaztea hala nolako babes bat dela, gure munduari aurrez aurre begiratzeko beldurrez beste mundu bat sortzea ausardi falta itzela dela.
Hiria arnastu dugu jaio garenetik, eta kalekume gara onerako zein txarrerako. Tranbiaren kable eta ke potoloen artean ordea gazteak badu zer esan eta zer egin, eta ez gure artean soilik, munduko edozein txokotan baizik. Gaztea ezjakina baita izatez, tentel samarra erabakiak hartzeko orduan, baina beste inork ez bezala, bizi osoa begien aurrean izatearen zirrara horrek bizirik mantentzen du
geroak berak utziz gero, geroa idatzeko
Jet Lag-a pasata iritsi naiz munduaren beste puntara
San Franciskok badu zer eskaini, zer erakutsi
badago zer ikasi, zer bizi
izango duzue nire berri
