Hiriak 09 - JET LAG BIO » artea

Last days/Tomi Paldanius/Alex Pardee

ElBronx — Fri, 18 Sep 2009 16:10:34 +0000

Bai, last days, eta ez naiz kritika hain txarrak jaso dituen GusVanSanten filmeaz ari. Ez. Hiri bat, edo kasu honetan San Franzisko diren hiri txiki guzti hauek atzean uzteak sortzen duen lepoko molestia horrez ari naiz, bizi izan duzuna berreskuratu nahian, lepoa biratuz, gehiegitan atzera begiratzeak dakarren min hori dela-eta idatzi dut last days.

Tamainak inporta du bai, eta SF-ri neurria hartzea zaila izan den arren, eta bidean milaka momentu ahaztu edo zunenean bizi ez ditudan arren, hiri honek oinaze handi bat utzi dit azala baino pittin bat barrurago.

Milaka soinu banda ditu hiri honek, norberak aukeratu behar du berea, edo beste batena bere bihurtu, nahi den moduan. Milaka irudi ere baditu hiri honek. Zergatik soinu bandak eta irudiak? Azken egunotan liluratuta utzi nauten bi artista ezagutzeko aukera izan baitut.

Colin triste samar zebilen pisukide gabe geratzeko astebete falta zitzaiolako. Gajoak afaltzera gonbidatu ninduen bere tristura arintzeko, eta ez nolanahiko jatetxera, auzoko puntaputako batera. San Franziskoko taberna edota jatetxe guztiek eszenario moduko bat dutenaren ustea dut, gehienek bai behintzat, eta jatetxe hau ez zen salbuespena. Afaltzen ari ginela azken hilabeteotako istoriotxoak bildu genituen mahai gainean, nolako algarak, parkour egiten erori nintzenekoak, gure iraultzaile txikien komunidade txikiaren lorpen handiak, kafea, museoak, aldapak;

San Franzisko, baby, San Franzisko.

Ostean, filmeetan soilik gertatzen den gauza bat gertatu zen, gauza magiko bat. Beti pasa izan zait, bai neska batekin zita-osteko tentsio une horretan, lagunekin kasketa bat edukitzean, zerbait egiteko adorea batzean, gol bat sartzean…beti….beti bota dut faltan fimeetan honelako gauzak gertatzen direnean HAIN ONDO geratzen den fondoko musika hori.

Colin eta biok haragia hortz artetik ateratzen ari ginela, azken hilabeteok errepasatzen ari ginela, ez da ba albino tankerako tipo lodi bat eszenario txikira gitarra batekin atera! Zerbitzarietako batek, txanpain baso bat hartu eta labana batez astindu du…

klin,klin, ladies and gettleman, Tomi Paldanius!!!

Eseri da aulkian, hi PEOPLE! esan, eta kitarra astintzen hasi da; beno, astintzen ez, laztanzten. Tipo honek kitarra jotzeko modu kuriosoa du, fingerstyle delakoa, hau da, funtsean, behatz lodiaz baxu batek egingo lukeen nota trantsizio jotzen du, beste behatzekin melodia nagusia marrazteko. Abesti asko jo ditu, ezagunak asko, Coldplay, Beatles, Green day…..eta Bon Joviren Living on a Prayer ezaguna. Txalo zaparrada etorri da ostean, jendea aulkietatik zutitu da, gu ere bai. Colin-i begiratu diot, txaloka jarraitzen zuen jendeak. Besarkada itzela eman diogu elkarri.

Nola, ez etxera iritsi eta ordenagailua piztu dut sarean Tomi honek dituen edukiak arakatzeko.

you love youtube more than you love your mom!- esan dit Colinek pantaila aurrean ikusi naunean…

ni bezela emozionatu nahi duenak hemen du tipo honen youtubeko kanala. Benetan merezi du.

————————————

Beste artista Alex Pardee da, eta lehengoan kaleetan barrena nindoala ikusi nuen esposizio bateko ilustrazio bikainengatik ezagutu dut San Franziskoko tipo hau. Ilustrazio ederrak egiten ditu, estilo berezia du benetan, eta marrazki eta eta halakoetan oso zalea naizenez, zuekin konpartitu nahi izan dut aurkikuntza hau. Hemen duzue bere web orria. Gozatu!

PD: interneten arakatzen, tipo honek Transformes pelikulako aktore nagusi den Shia Labeouf-en etxea nola margotzen duen erakusten duen bideo bat topatu dut. Kuriosoa da.Faltsua, baina kuriosoa.

ARTE GARAIKIDEAREN BIDEZ BAKEA SUSTATZEN // DESEARTE PAZ

June — Mon, 13 Jul 2009 17:10:16 +0000

Playa

Medellín hiria, gaztedia, bakea eta artea ardatz dituen proiektu interesgarri bat aurkitu dut. Desearte Paz dauka izena eta hainbat arte laborategi sustatzen ditu gizarte agente desberdinen artean eztabaida eta partaidetza ahalbidetzeko. Helburu nagusia arte garaikidearen bitartez Medellin-eko arazo sozialei irtenbideak proposatzea da eta horrela bakearen aldeko kultura suspertzea. Laborategi horien artean aipagarria iruditu zait Pilar Ortiz-ek zuzentzen duena.

Minuto para...

Eskoletako ikasleekin harremanetan jarri eta Medellin-eko kaleetan interbentzio bat egin zezaten proposatu zien. Ideia kotxez, zarataz eta gatazkez beteta dauden kaleak birkonkistatzea eta gazteen gozamenerako erabiltzea da. Lan horren bidez, gazteek zein nolako hiri ereduan bizi nahi duten hausnartzeko eta eztabaidatzeko aukera izan zuten, hala gizartean betetzen duten papera eta eragina balioan jartzen. Hiriko egunerotasuna hausteko asmoarekin, ikasleek hondartza bat montatu zuten errepidearen erdian, kaletik pasatzen zirenei paperezko loreak oparitu irribarre egin zezaten edo iragarkien bidez besarkadak aldarrikatu zituzten besteak beste. Ideia ondo ezagutzeko hona hemen proiektuaren deskribapena eta izan zituen emaitzak. Irudiak Ortiz-en Flickr orrialdetik atera ditut.

Menos rutina

EGUN ONA IZAN! /// ¡QUE TENGAIS UN BUEN DÍA!

Itsaso — Sat, 04 Jul 2009 11:10:57 +0000

...hegazkin baten hegoak zerua zeharkatzen du!

Egun on jende! Itsaso Aldaiturriaga deitzen naiz, hala ere hemendik aurrera Itashu bezala ezagutuko nauzue. Aiarako baiaran jaio nintzen orain del 28 urte. Baina txikitatik beti gustatu izan zait bidaiatzea. Oso garaiz joan nintzen mundua ikustera, beti izan dut beste herrialde eta kulturen bizimoduak ikasi eta ulertzeko nahiak. Arte Ederretan Lizentziatu nintzen orain dela urte batzuk, berton bidaiei buruz gauza asko ikasi nituen, bidai fisikoak eta pertsonalak. Arte ederretan buru barnean murgiltzen ikasi nuen, mundu berriak ikusten eguneroko errealitate berdinean, irudimena hegazkin edota edozein garraio lez erabiltzen. Batzuetan rutinak garaitu egiten gaitu, baina ez garenaz ohartzen , askotan ez dugula hegazkin bat hartu behar oso urrutira joateko, baizik eta mundua ikusteko betaurreko berriak jarri behar ditugu soilik.

Dena dela, beti dago ondo, ez bakarrik bidai pertsonala, edo psikologikoan murgiltzea, baizik eta bidaia fisikoa bihurtzea. Hegazkin bat hartu eta beste herrialde batean agertzea. Ez dago beste sentzasio hain ona !!!
Bilbon bizi izan naiz urte batzuz, nahiz eta orain uribe kostaldean egon. Beti maite izan dut Bilbo, ni jaiotzaz Arabarra naiz, baina Bilbok oso ondo adoptatu ninduen, benetan baietz. Oso hiri berezia daukagu Bilbo. Kontrastez beteriko lurraldea da nire aburuz. Sustrai sakonak dituen herrialdea, beti saiatu izan da “a la ultima” egoten. Bilboko bizilagunak, gazteok batez ere, ikasteko nahiaz beterik gaude. Nahiko bidaizaleak gara, eta burua beti daukagu zabalik eta erne, gauza berriez gainezka egoteko. Hiri honetan batzuk oso tradizionalak dira, baina beste asko punkiak, elektronikoak, rokeroak, raperoak…oso eguneratuak gaude espresio berriei dagokionez.Musika, kirola, artea…gauza asko ari dira gertatzen Bilbon, baina informazio kanala ez da nahikoa, oso gitxi dakigu gure Bilbo undergoundnari buruz. Adibide batzuk jarri arren, Bmx_en freestylean Europako eta munduko honenetarikoa daukagu San Ignazioko Edu Terreros, eta subentzio faltengatik bizikleta alde batera itzi behar izan du, ez dago entrenatzeko instalaziorik; estatuko lehendabizienetariko Skate aldizkaria Bilbon jaio izan zen , Dogway, hip hop fresstylaren ihazko ” batalla de Gallos”txapeldunordea Invert bilbotarra da, Ana laura Alaez bilbotarra daukagu…pertsona oso garrantsitsuak dira bakoitza bere munduan, baina hemen, inork ez ditu esagutzen, ez dute laguntasuna. JET LAG BIO festibalari esker kalean gertatzen diren ekintzak herritarreoi aurrez aurre jartzen saiatuko gara, gauza guzti hauek jakin ditzazuen…Bilbon gauza anitzak gertatzen dira, Bilbon potentziala dago!
Munduko herrialdei zer eman diezaiokegun eta munduak guri zer eskaini diezaguke jakiteko, ibiliko gera hainbat hiriburuz mintzo. Medellin, Shangai, Dakar, Berlin, San Frantzisko, eta Bilbo beti aurrean izango ditugu bertoko ekintzei buruz informazioa emoteko…..Adi egon!!!

Salam Alaykum.